жм, 23/09/2016 - 16:04
Тасқала аудандық соты Тасқала ауданы Әкімінің қайтыс болған 4 азаматтың мұраларын иесіз деп тану туралы талаптары бойынша азаматтық істерді қарады.
Тасқала ауданының Әкімі қайтыс болған азаматтар Карташовтың, Каратаевтың, Тапахованың, Конарованың «Қазпошта» АҚ-ның жеке есеп шотындағы жалпы сома 121 836 теңгені ақшалай мұра реттінде тану туралы арыздарымен сотқа жүгінді.
Бұл азаматтар қайтыс болғанға дейін «Қарттар және мүгедектердің жалпы түріндегі медициналық-әлеуметтік мекеме» ММ-де тұрған. Олардың «Қазпошта» АҚ-ның жеке есеп шотында зейнетақыларынан 121 836 теңге көлемінде ақща жинақталған. Батыс Қазақстан облысының нотариалдық палатасынан келіп түскен жауап бойынша олар қайтыс болғаннан кейін мұрагерлікке қатысты іс тіркелмеген.
ҚР-ның АК-нің 1083-бабына сәйкес, Мұра ету заң бойынша мұрагерлер жоқ болып танылды. Иесіз мүлік мұра ашылған жер бойынша коммуналдық меншікке өтеді.
Сот жоғарда аталған заңды негізге ала отырып, 4 азаматтың мұраларын иесіз деп тану туралы арыздарды қанағаттандырды.
Шешім заңды күшіне енген жоқ.