Билік өкiлiнің заңды талаптарына бағынбаған

Ақжайық аудандық №2 соты қылмыстық теріс қылық жасағын азаматқа қатысты Қазақстан Республикасынын ҚК 379 б. 1 б. бойынша қылмыстық іс қарады.

Іс құжаттарына сәйкес, азамат Б. алкоголдік мас күйінде қоғамдық орында тәртіп бұзушылыққа жол бергені үшін Тайпақ полиция бөлімінің инспекторларына ұсталған. Азамат Б. билік өкілдерінің заңды талабына бағынбай, қарсылық танытып, инспектордың нысанды киімінің шалбарынан тартып, жыртып жіберген.

Сот, жасаған қылмыстық теріс қылығының сипаты мен дәрежесін, жеке басының жағдайын ескеріп, азамат Б.  кінәлі деп танып, қырық айлық есептік көрсеткіш көлемінде 79280 теңге айыппұл түріндегі жазаны тағайындады.