Архив событий

Бүгін Бөрлі аудандық сотынының сот отырысы залында соттың ұйымдастыруымен  қоғамдық қауіпсіздікке және қоғамдық тәртіпке қарсы қылмыстық құқық бұзушылық мәселелері талқыланған «дөңгелек үстел»  өтті. Шараға аудандық соттың судьялары және аудандық прокуратураның қызметкерлері қатысты.

Шараға қатысушылар өзгертілген жаңа Қазақстан Республикасының Қылмыстық кодекс пен Қылмыстық процестік кодексін жан-жақты талқылауда белсенді қатысып, өздерінің ой-пікірлерімен бөлісті.

27 қаңтар күні Бөкей ордасы аудандық сотында сот мамандары және Батыс Қазақстан облысының мемлекеттік күзет қызметінің басқармасы мемлекеттік мекемесі 2-ші полиция батальоны Бөкей ордасы ауданы бойынша бөлім полицияларының  қатынасуымен «Сыбайлас жемқорлықпен күрес және оны болдырмау» тақырыбында семинар сабағы өткізілді.

Семинар сабағында сыбайлас жемқорлық туралы заңдарға қатысты жауаптылық және сот ғимаратына келуші тұлғаларға қатысты мәселелер талқыланды. Көкейтесті сұрақтарға жауаптар беріліп, пікірлер ортаға салынды.