20.01.2015 жылы Бөрлі аудандық сотының тергеу судьясы Марат Сисенғали жергілікті БАҚ құралдарының өкілдеріне брифинг өткізді. Сот 2015 жылғы 10 қаңтарда Ақсай қаласындағы «Ривьера» мейрамханасында орын алған қылмыс бойынша екінші күдіктіге қатысты қамауда ұстау мерзімін ұзартуға рұқсат берді.
Орал қаласының №2 қалалық сотында талапкер «БҚО Ішкі істер басқармасы» ММ-нің А.Романовқа және «Облыстық наркологиялық диспансері» МКҚМ-не медициналық анықтаманы заңсыз және жүргізуші куәлігін жарамсыз деп тану туралы арызы қаралды.
«БҚО Ішкі істер басқармасы» ММ тексеріс кезінде А.Романовтың «Облыстық психикалық денсаулық орталығы» МКҚМ-да тіркеуде тұрғаны анықталғаны жөніндегі арызымен сотқа жүгінген. Облыстық наркологиялық диспансері оған көлік құралдарын басқаруға жарамдылығы туралы медициналық анықтама берген.
Ақсай қаласының тұрғыны С. 91 жасына қараған шағында 2007 жылдың мамыр айында қайтыс болған. Оның артында Ақсай қаласында жекешелендірілген пәтері қалған. Аталған жылжымайтын мүлікті ешкім өсиет бойынша да, заң бойынша да мұраға қабылдамаған.
Қазақстан Республикасының Азаматтық кодексінің 1083 бабына сәйкес, егер өсиет бойынша да заң бойынша да, мұрагерлер болмаса не мұрагерлердiң ешқайсысының мұра алуға құқығы болмаса, не олардың бірі мұрадан бас тартса, мұра иесiз қалған мүлік деп танылады.
Батыс Қазақстан облыстық соты