Бөкейорда аудандық соты

Бөкей ордасы аудандық сотында төрағалық етуші судья О.Миралиевтің, аудандық прокуратура және аудандық полиция бөлімі қызметкерлерінің қатысуымен «Сот өндірісіндегі мемлекеттік тілдің қолдану аясын кеңейту» тақырыбында дөңгелек үстел өтті.

Отырыста аудандық соттың төрағасы О.Миралиев отырысты бастап ашып, мемлекеттік қызметте жүрген тұлғаларға тілдің қолданылу аясын кеңейту және мемлекеттік қызмет салаларында іс-қағаздарын ана тілімізде жүргізу, жаппай мемлекеттік тілімізде сөйлеу қатаң бақылауға алыну керектігі жөнінде айтты.

Бөкей ордасы аудандық сотының ұйымдастыруымен аудандық орталықтандырылған кітапханалар жүйесінде  1 желтоқсан – Қазақстан Республикасының Тұңғыш Президент Күніне орай кездесу өтті.

Рухани жаңғыру аясында «Ұлттық код» ретінде қазақтың билерінің дәстүрін жаңғырту, қоғамдағы бірлік пен ынтымақты насихаттау, дауласушылық деңгейін төмендету мақсатында, Бөкей ордасы ауданы әкімдігінің ішкі саясат бөлімінің қолдауымен, сот ғимаратының алдына «Татуласу: Сотқа дейін, сотта» атаумен Үш би (Төле би, Казыбек би, Айтеке би)  суреттері бейнеленген баннер орналастырылды.

2018 жылдың 20 қазанында Бөкей ордасы аудандық сот ұжымымен сот ғимаратының ауласында сенбілік өткізілді.

Сенбілік барысында толықтай ұжым қатысуымен сот  ғимаратының ауласындағы қоқыстар тазаланып, теректердің түптері қопсытылып, қоқыстар арнаулы орынға шығарылды.

Сайқын ауылдық округі әкімдігінің ғимаратында Бөкей ордасы аудандық ішкі істер бөлімінің учаскелік инспекторларының қатынасуымен «2017 жылы қаралған әкімшілік құқық бұзушылық істерді қарау барысында жіберілген кемшіліктерді  талқылау» тақырыбында семинар өткізілді.