Архив событий

Орал қалалық сотында 09.09.2015 жылы облысымыздың сот жүйесі қызметкерлерінің біліктілігін арттыру мақсатында семинар болып өтті. Семинарға  облыс соттарының мамандары қатысты.

Жоспарға сай «Сот кабинеті» жүйесімен түсетін кіріс құжаттарды қабылдау және тіркеу; осы жүйе арқылы түсетін әкімшілік құқықбұзушылық туралы істер мен материалдарды тіркеу; кіріс құжаттарын тіркеу барысында талондарды беру мәселелері талқыланып өтті.

БҚО Қылмыстық істер жөніндегі апелляциялық сот алқасының төрағасы М.И.Нағашыбаев БҚО әкімдігінің «Мемлекеттік қызметшілерді қайта даярлау, біліктілігін арттыру және мемлекеттік тілді оқыту орталығы» МКҚК-нің ұйымдастыруымен «100 нақты қадам» тақырыбында өткен дөңгелек үстелге қатысты.

БҚО Сырым аудандық сотында аз. К.Уалиахметовке қатысты ҚР ӘҚБтК-нің 73 бабының 1 бөлімі бойынша әкімшілік іс қаралды.

Әкімшілік құқық бұзушылық туралы хаттамаға сай, азамат К.Уалиахметов өз үйінде ұрыс шығарып, жолдасына  қарсы былапыт сөздер айтып, оның тыныштығын бұзып, сыйламаушылық білдірген.

Сот отырысында азамат К.Уалиахметов өз кінәсін толық мойындап, болған оқиғаға өкініп, енесінен  кешірім сұрады. Соңғысы өз кезегінде оны кешірді.

Қаратөбе аудандық сотымен аз-т Е. жауапкер аз.Ш-дан 24 000 мың теңге ақшаны өндіруді сұраған азаматтық ісі қаралды.

Іс материалдарынан анықталғандай, талапкер 2014 жылдың қазан айында жауапкерге қарызға  24 000 теңге ақша берген, алайда жауапкер аталған соманы күні бүгінге дейін қайтармаған.

Сот отырысы барысында тараптар дауды кәсіпкой емес медиатордың көмегі арқылы медиация тәртібімен реттеу туралы келісімге келіп, істі өндірістен қысқартуды сұрады.

Батыс Қазақстан облысының мамандандырылған ауданаралық экономикалық сотымен «ЖЖҚ» АҚ-ы «Д» ЖК-ден жылу қуатын пайдаланғаны үшін  берешек  соманы, өсімпұл  өндіру туралы талап арызы бойынша азаматтық іс қарады.

Азаматтық істі қарау барысында талапкер талаптан жауапкердің берешек  сомасын толық өтеуіне байланысты бас тартты.