жм, 12/05/2017 - 17:44
«Қазақстан соқырлар қоғамының Орал оқу-өндірістік кәсіпорыны» ЖШС-сі «Жәнібек аудандық демалыс орталығы» МКҚК-нің демалыс және мәдениет саябағында атқарылған жөндеу жұмыстары үшін ақы төлеу міндеттерін орындамағанын алға тартып, 5 592 000 теңге қарыз және 218 088 теңге үстемақы өндіру туралы талап арызбен сотқа жүгінген.
Сот мәжілісінде тараптар медиативтік бітімгершілікке келіп, жауапкер берешек сомасын өтеуге, ал талапкер талаптардан бас тартатындығы туралы келіскен.
Сот, тараптардың өз еркімен медиативтік келісімге келгенін ескеріп, АПК-нің 174-177, 194, 2 бөлігінің, 277 баптарына сүйеніп, заңнамаға қайшы келмеуіне және мүдделері мен құқықтарын бұзбайтындығына байланысты бекітті. Азаматтық іс өндірістен қысқартылды.