Орал қаласының №2 сотында «Ашық есік күні» өткізілді

Бүгін тұрғындарға құқықтық мәдениетті жоғарылату және азаматтардың сот жүйесіне деген сенімін арттыру мақсатында кезекті «Ашық есік күні» өткізілді. Іс – шараның өткізілетіндігі туралы хабарландыру алдын ала облыстық соттың Интернет ресурсында және қалалық БАҚ-да жарияланған болатын.

Сотқа келушілерді сот төрағасы Азамат Борамбаев қабылдап, азаматтардың көкей кесті сауалдарына жауап беріп, тиісті ұсыныстар берді.

Келушілердің сауалдары соттағы өкілдікке қатысты болды, сондай-ақ азаматтар сот шығарған актілерімен келіспеген жағдай жөнінде айтылып, оларға әрі қарай шағымдану бойынша азаматтық-құқықтық нормалары түсіндірілді.

Сот төрағасы 100 нақты қадам- Ұлт жоспары аясында сот реформалары жайлы баяндап, қолданыстағы заңнамаларды, оның ішінде бітімгершілік рәсімдерін қолдануды түсіндірді.