Сс, 11/07/2017 - 10:41
Орал қаласының №2 соты алименттік төлемдердің атқарушылық өндірісі бойынша борышкерге іздеу салуды жариялау туралы Жеке сот орындаушысы К-ның ұсынысын қарады.
Жеке сот орындаушысы борышкердің алименттік төлемдер бойынша қарызы бар екенін, атқару парағында көрсетілген мекен-жайда тұрмайтынын көрсетіп, оған іздеу жариялауды сұраған.
Сот отырысында борышкердің алименттік міндеттеме бойынша ешқандай қарызы жоқ екені, кәмелетке толмаған балаларың күтіп-бағу үшін ай сайын алимент төлей отырып, сот шешімін ерікті түрде орындайтыны, сонымен қатар, жеке сот орындаушының актісінде көрсетілген мекен-жайда борышкердің анасы мен қарындасы тұратыны, яғни борышкер сот орындаушыдан жасырынбайтыны аңықталды.
Сот аталған мән-жайларды ескере отырып, сот жеке сот орындаушының борышкерге іздеу салу туралы ұсынысын қанағаттандырудан бас тартты.
Сонымен қатар, Батыс Қазақстан облысы жеке сот орындаушылардың өңірлік палатасының атына алдағы уақытта ұқсас жағдайларға жол бермеуге және аталған мән-жайларға тиісті шаралар қолдану үшін жеке ұйғарым шығарып, анықталған атқарушылық заңнаманы бұзу фактілері туралы Батыс Қазақстан облыстық Әділет Департаментінің жеткізді.
Ұқсас мәліметтер
- Сот жер учаскесін бөлу бойынша келісуден бас тартуды заңсыз деп таныды
- Орал қаласының №2 сотының ғимаратында Халыққа қызмет көрсету орталығының мобильді бөлімшесі ашылды
- Қоғам өкілдері мен батыс өнірінің адвокаттары сотта өкілдік етуді реттеудің халықаралық тәжірибесіне жүргізілген зерттеу қорытындысын талқылады