Ср, 08/08/2018 - 10:33
Батыс Қазақстан облысының мамандандырылған ауданаралық экономикалық сотымен талапкер «А» ШҚ-ның жауапкер «Б» ЖШС-нен ШҚ «А» кредиторлар жиналысы хаттамасының негізінде әкімшілік шығыстар есебіне 1 200 000 теңге берешек сомасын өндіру туралы азаматтық ісі қаралды.
Сот талқылауы барысында тараптар арасында медиация бойынша дауды реттеу туралы келісім жасалды. Оның талаптарына сәйкес: талапкер талап арыздан бас тартады, ал жауапкер талапкерге 1 200 000 теңге көлемінде ақы төлеуді келесі кестеге сәйкес міндеттеледі: 2018 жылдың тамыздың 31-не дейін 500 000 теңге мөлшерінде; 2019 жылдың шілденің 25–не дейін 700 000 теңге мөлшерінде төлейді.
Сот, АПК-нің 179, 194 баптарын, 277 бабының 6 тармағын басшылыққа ала отырып, медиация тәртібінде дауды реттеу туралы келісім бекітіп, азаматтық іс бойынша іс жүргізуі тоқтатты.
Сот ұйғарымы заңды күшіне енді.