Батыс Қазақстан облыстық сотыжм, 14/04/2017 - 15:51
Баспаға арналған нұсқасы
Хат жолдау
Батыс Қазақстан облыстық сотында алқа төрағалары мен облыстық сот судьяларының, аудандық, қалалық және мамандандырылған соттардың төрағаларының, БҚО бойынша соттар әкімшісі басшысының қатысуымен БҚО соттарының 2076 жылдың 1 тоқсанында атқарылған жұмыс қорытындыларына арналған кеңейтілген кеңес өтті.
Кеңейтілген кеңесті алғы сөзбен ашқан облыстық соттың төрағасы Бек Әметов сот қызметін жетілдірудің негізгі бағыттары- республика соттарының негізгі көрсеткіштерінің бірі болып табылатын сегіз бағыты бойынша сапалы сот төрелігінің мониторингіне тоқталды.
Кеңес барысында облыстық соттың қылмыстық істер жөніндегі сот алқасының төрағасы м.а. Н.Ділдәбек және азаматтық істер жөніндегі сот алқасының төрағасы Б.Бегалиевтің 2017 жылдың бірінші тоқсанында қылмыстық, азаматтық және әкімшілік істер бойынша бірінші сатыда және апелляциялық сатыда қаралған істердің қорытындысының 2016 жылдың осы мерзімімен салыстырмалы мәліметтері тыңдалды.
Азаматтық істер бойынша сот отырыстарын кейінге қалдыру, облыс соттарының азаматтық істер бойынша татуластыру рәсімдерін қолдану, облыс соттарының азаматтық істер бойынша оңайлатылған (жазбаша) іс жүргізу тәртібімен және сот бұйрығын шығару тәртібімен қаралған істер бойынша, Судья әдебі жөніндегі комиссия жұмысының, соттардың БАҚ-пен жұмысы, БҚО бойынша Соттар әкімшісінің соттардың материалдық-техникалық және кадрлық қамтамасыз ету жөніндегі ақпараттары тыңдалды.
Облыстық соттың төрағасы кеңейтілген кеңесті қорытындылай келе, облыс судьялары корпусының алдына сот төрелігін сапалы атқару міндетін қойды. Облыс соттарында татуластыру рәсімдерін кеңінен қолдануға және сот ісін жүргізуге ендірілген инновациялық технологияға ерекше мән беріп, судьяларды әдеп Кодексін қатаң сақтауға шақырды.
Қайнар:
Батыс Қазақстан облыстық сотының баспасөз қызметі
