Азаматтық істерді оңайлатылған (жазбаша) іс жүргізу тәртібімен қараудың артықшылығы туралы

Азаматтық процестік кодексте азаматтар мен заңды тұлғалардың конституциялық құқықтарын, бостандықтары мен заңды мүдделерін соттың тиімді қорғауына, дауларды қарастыру және шешу сапасын арттыру мен тездету қарастырылған. Сот өндірісін жеңілдету мақсатында оңайлатылған (жазбаша) іс жүргізу тәртібімен  қаралатын істердің талаптарының тізімдемесі де кеңейтілген. 

Ақжайық аудандық №2 сотында 2016 жылдың желтоқсан айының 02 күніне оңайлатылған (жазбаша) іс жүргізу тәртібімен  43 азаматтық іс қаралып, оның 17 іс бойынша шешім қабылданып, 26 іс медиация тәртібімен қысқартылған, атап айтқанда аяқталған істердің жалпы санынан сот бұйрықтарын қоспағанда 47,25 % құрайды.